Thursday, April 09, 2009

變魔術

《武林108個不解之迷》之四

個多月沒有寫blog了,主要是由於罪疚感(因為論文尚未完成)及最近搬家忙得不可開交所致。連上facebook也是匆匆忙忙八卦一下朋友們的近況便拿拿林log out,不敢久留。經過兩個多星期不斷pack和unpack,把家裡的東西sort out,像倉庫番般移來移去後,終於可以算是settle down了。今天家母更急不及待,再次駛出她的獨門潔癖絕招──洗、抹、捽、掃、拖、擦、吸七式,令在下嘆為觀止;不過正所謂英雄慣見亦是常人,家嚴對此已司空見慣,望著家母在家中飛簷走壁,居然無動於衷,還在沙發上扯起鼻鼾來,與當時極為出力、並穿了一身清潔戰衣的娘親造成了強烈而充滿諷刺性的對比。

當家母tackle最後一個環節──洗廁所時,奇妙的事情便發生了! 她整個人蹲在花灑內開著水喉不斷擦呀擦,突然問在下:「喂,你有冇見過我條毛巾呀?」
在下反問:「乜你唔係用緊架咩?」
娘親:「頭先係仲抹緊架,但唔知去咗邊喎!」
在下:「唔係啩。咁邪?」
娘親:「係囉! 條毛巾好緊要架嘛!」

經過我們一輪地毯式搜索後,那條對於駛出潔癖絕招好緊要的毛巾依然下落不明。那是一條白色毛巾,上面印有「祝君早安」字樣,如閣下拾獲請於本blog留言,重賞。

聽聞David Copperfield將會來澳洲巡迴表演魔術,在下打算推薦家母作特別表演嘉賓,在一個充滿蒸氣的密室內將「祝君早安」毛巾變走,今次仲唔發過豬頭?!

後記:翌日,當我地瞓醒覺掀起張被時,居然見到條毛巾喺床上。家母再三否認有放過條毛巾落床,更加唔會幫條毛巾襟埋被咁誇。咁究竟當日條「祝君早安」毛巾,係點樣由家母手上轉移到被竇裡面咁邪架呢?真係只有天知道!

No comments: